قصة عن دهاء العرب
ياريت منها نتعلم اننا نشغل دماغنا في الأزمات
قصة حصلت في الدولة الأموية في عهد عبد الملك ابن مروان قصة لذيذة عن دهاء العرب
ياريت منها نتعلم اننا نشغل دماغنا في الأزمات 
قصة حصلت في الدولة الأموية في عهد عبد الملك ابن مروان
كان لعبد الملك بن مروان 2 من القادة " الحجاج ابن يوسف الثقفي و كلثوم ابن الأغر "
كان الحجاج بيغير من كلثوم لانه كان ناجح وكان المنافس ليه ، قرر يخلصك منه فراح لأمير المؤمنين عبد الملك بن مروان
وقاله كلثوم ابن الأغر بيتأمر عليك علشان يقلب نظام الحكم ويحكم مكانك ، طبعا عبد الملك ابن مروان اتجنن واتعصب وقال "يُعدم " كلثوم ابن الأغر
وكانت ام كلثوم تعرف عبد الملك ابن مروان وكانت سيدة كبيرة في السن ، فراحتله علشان تستعطفه
وطلبت منه مايقتلش ابنها ، فهو اُحرج منها وقالها خلاص انا هخلي الحجاج يكتب ورقتين ونقفلهم واحده فيها "يُعدم" والتانية "لا يُعدم"
ويجي كلثوم غدا ويختار من الورقتين واللى يختارها كلثوم هتتنفذ.. لو طلعت "لا يُعدم" هنعفو عنه ولو طلعت " يُعدم" يبقى هيتعدم
ومشيت الست العجوز وهي في قمة الحزن والأسى على ابنها لانها عارفه ان الحجاج ابن يوسف هيكتب الورقتين " يُعدم"
راح كلثوم تانى يوم علشان يختار الورقة وهو متأكد ان الاتنين فيهم " يُعدم ".. والناس كلها واقفه .. لقى الحجاج
جايبله الورقتين وبيقوله هتختار انهى واحده .. واحده فيهم "يُعدم" والتانيه "لا يُعدم"
فاختار كلثوم ورقة من الاتنين بمنتهدى الهدوء واول ما أخدها قام بص للناس كلها وقال لأمير المؤمنين " يأ امير المؤمنين انا اختارت الورقة دي " وقام بلعها
فسألوه طيب وهى كان مكتوب فيها ايه !!؟ قالهم مش مهم اللى مكتوب فيها اكيد الورقة التانيه هتبقى عكسها
وطبعا لما فتحو الورقة التانية لقو مكتوب فيها " يُعدم " ، فقال لأمير المؤمنين يبقى انا اختارت "لا يُعدم"
فقال عبد الملك ابن مروان عفوت عنك بسبب ذكاءك ، وفعلا كان ذكائه سبب نجاته
| 
الرئيسية
أحدث الصور
ذكاءه كان سبب نجاته
من طرف hantit abdellah الإثنين فبراير 10, 2014 7:03 pm
